Nojawan Nasal.

Pakistan ki awam bilkhusoos nojawano ko social media ki yalghaar ne guzishta 3,4 barson se buri tarha apni grift me le lya hai. Youn k is k shikanje se apni jaan churana mushkil nazar ata hai. Pehle

Facebook

, phir Twitter, viber, Whatsapp, Tango, E-buddy, Skype Gharz an-ginat network hain jo nojawano ko dunya bhula kar Apne Aap me Mashghol rakhte hain. Asr -e-Rawan me hamare pas maloomat or peghamat ka ek hujoom hai jo sailab ki tarha umandta chala arha hai. Mehaz ek click pr dunya jahan ki maloomat apk samne bikhri pari hoti hain. Hum is hujoom me itna ulajh gae hai k hamari moral values, knowledge or creativity zero hoti ja rhi hai. Hamari nojawan nasal Social networking websites ki takhleeq k maqasad to door, Apne Maqasid e zindagi bhi bhoolte ja rhe hai. Is social networking ne hamen family se disconnect krdya hai. Ek ghar me rehne wale dosre ki khabar nhi rakh pate, lekin Saat samandar paar baithe doston or waqif kaaron ko how are you, get well soon k paighamat bhejte zarror nazar ate hain. Ek or ghalat rujhan jo maashre me nimo paa rha hai wo privacy ka ehsaas khatam hojana hai. kisi k ghar me koi zaati taqreeb munaqid ho to agle din adhe shehar ko tafseel, caption samait personal pics daikhne ko miljati hain chahe us sham sahib e khana ka parosi or us k bache bhook se behaal hon, kis ko parwa hai?

Deegar mumalik me Social networking websites ko awareness spread krne k lye, or as a revolution tool istemal kya gya. Jis ki taaza misaal misar(Egypt), shaam(Syria), Lebnon or turkey hain. Lekin Pakistani maashre me hum log tafreeh or khud numai se bahar hi nhi aske. To iska Positive Istemal khuda jane kb seekhenge? Kisi positive surat e haal k Asaraat door door tak nazar nhi ate. Hum bunyadi tor pr shughal maile me masroof qoam or ghair sanjida riwaye k haamil hain. Social Networking ne bhi Hamen Octopus ki tarha daboch lya hai. Hum isk lye addiction to mehsoos krte hain lekarapni ghulamana zehniyat or rawish badalne ko Tayar nhi hain..

 

 Hunar nhi Qadar ki kami hay.

Watan-e-Aziz Pakistan ko Khuda ne beshumar qudarty khazano aur tahaif se nawaza hay jin ka faida uthatay huye hum taraqi ki beshumar manazil tey ker saktay hain, hamaray pass kisi cheez ki kami nahi sub kuch mojood hay agar kuch kami hay tou wo sirf aur sirf imaan ki hay hum be-imaan hogaye hain jis ki waja se hamay faida aur nuqsan me farq samajh nahi aata yehi waja hay k hum tawanai o deegar bohrano me ghiray chalay jarahay hain, hamaray pass hunar ki kami nahi qadar ki kami hay. Hamaray mulk ki awam mulk k liye kuch kerna chahtay hain lekin in ko moqa nahi dya jata jis ki waja se hamari koi b nayi ejaad mashoor honay se pehle hi zawaal aur kharabio ka shikaar hojaty hain. Hamaray mulk k bachay aur burhay sab k sab zaheen hain aur mulk k liye kuch na kuch kerna chahte hain. Agar Pakistan k zaheen nojawan bacho ki baat ki jaye tou Babar Iqbal,Arfa Kareem aur Sikander mehmood baloch aur in jesay mutadad deegar wo naam hain jinho ne IT k shobay me Pakistan ka naam roshan kiya aur rukni record banaye. Arfa karim ab is dunya me nahi rahi magar isne Pakistan k liye na sirf record banaye bul k bainal aqwami IT company microsoft k saath mil ker Pakistan k liye kaam kiya. Hamein nojawano me chupi khubian talash ker k inhe mulki mufaad me istemal kerne ki zaroorat hay. Tawanai k bohran se nijaat k hawalay se baat ki jaye tou haal hi me Dr.Sarwar ne jehlum me qaim National Scientific and Educational Research Centre me pani se chalnay wali do gariya banai hain aur ye dono gariyan 60 feesad endhan ki bachat ker rahi hain. Dr.Sarwar ki pani se chalnay wali gari na sirf petrol aur gas k istemal me kami lasakty hay bul k mahol ki aloodgi me b kami lasakty hay. Aaj kal CNG stations aur petrol pumps per gario ki qatarein lagi rehty hain is maslay ko Dr.Sarwar ki madad se hul kiya jasakta hay. Hamaray mulk me aisay mutadad log hain jo mulk taraqqi k liye khoon paseena aik kerne ko tayar hain magar in ko hukumati sar parasty hasil nahi jis ki waja se koi b bara kaam kerne se qasir hain. Agar hukumat aisay logo ki sar parasty shuru kerday tou mulk tamam bohrano aur pareshanio se nikal sakta hay. Hamein yakja ho ker imandari se kam kerne ki zarurat hay. Pakistan me zahanat ki kami nahi hay zarurat is amar ki hay k zahanat ki qadar kerte huye isay istemal me laya jaye ta k mulk ki taraqi aur bhala ho sakay.

 Shows aur Dramay

Aaj kal shows me jo dramay aur jo dramas me show horaha hay sab aqal-o-feham se bala hay kuch samajh ni araha k kya chal raha hay? Is tamam aur do numbari se kya kerna maqsood hay? Be-tarteebi aur be-dhangi hadon ko phelangay huye hain. Kahin veena malik ka nikah pe nikah parhaya jaraha hay, kahin koi jadu nagri bana ker tamashay dikha raha hay,jin nikalay jarahay hain, kahin summer camp lagay huye hain tou kahin fahash raqs-o-sarood jaari-o-saari hay. Jin ko apnay ghar k afrad k mukammal aur durust kawaif maloom nahi wo dunya wo dunya bhar k halat-o-waqiat per gumrah kun tajziye ker rahay hain, kahin larko aur larkio k ajeeb-o-ghareeb qism k khel tamashay ho rahay hain aur kahin saas bahu k tanay chal rahay hain tou kahin do bazari aurto ko lartay dikhaya jaraha hay. Commercialism aur pesay ki hawas ne media walo ko andha ker k rakh dya hay. Sirf pesa aur mashoori zaroori hogaya hay. Aisa kerte huye ikhlaqi,saqafti,nazaryati yaha tak k mazhabi iqdar be pamaal hoty hain. Pehle indian dramay aur films kafi nahi thi k ab turkey k dramay import kerne shuru ker diye gaye hain wo b mukammal sahulat k sath yani urdu tarjumay k sath sab dhoka dahi aur fareb nazri hay hum zaban honay se koi hum watan nahi hojata. Kahan wo modern european turkish log aur kaha hum third world k baasi. Bus yehi aik nukta hay jaha se hamaray beshumar masail shuru hotay hain. Kisi taraqi yafta qom ki tarah ka rehan sehan apnanay se in ki zaban ko isi tarha puri mohlat se bolnay se ho sakta hay ap ki nafsiat per kuch asraat numayan ho magar haqeeqat yu asani se tabdeel nahi honay wali. Saiyanay kehte hain k agar samne walay ka mou lal ho tou apna thappar mar ker nahi kerna chaiye. Soch aur approach ko badalna parhta hay. Aur PEMRA ko chaiye k naaam nehad taraqqi aur turkey k matwalo ki rok tok k liye sakht se sakht qanoon saazi karay aur un per mann ann amal b kerwaye.

 Jadeed Aloom aur Hum

Aik waqt tha jab insan pathar k zamanay me rehne ka aadi tha ahista ahista insan taraqi ki manzil ko tay kerne laga. Waqt badalnay k sath sath insan ki zarooriat bhi badalnay lagi. Tarz-e-zindagi me ju ju tabdeeli aaty gai. Insan ki justuju aur tehqeeq me izafa hota gaya. Zarurat aeyjad ki maa hay is liye maa ne apni aulad k liye din raat ek ker k insaan k liye naye jahano k darwazy khol diye. Allah ta'la ne bani nooh insan k liye ilm-o-hikmat k darwa kerdiye. Mohsin-e-insaniyat (S.A.W) ne Allah ka kalam jo dono jahano k liye nuskha-e-kimiya hay hamaray seeno me mehfooz kerdya. Magar waqt guzarnay k sath sath hum ilm se door hotay gaye aur zawal hamara muqaddar banta gaya. Jo aloom hum musalmano ki meraas thay wo aghyar k hatho me ja pohanchay jis k zariye muslim mumalik k ilawa pori dunya ne faida uthaya aur aaj hum in k samne das basta kharay hain. Is mushkil ka ek hi hal hay aur wo hay taleem. Zarurat sirf is amar ki hay k arbab-e-ikhtiyarat apni ayashia chor ker awaam ko deegar bunyadi zaruriat aur jadeed taleem tak rasai faraham karein aaj tijarat simat ker e-commerce ban chuki hay. Talwar ki jaga atomic energy ne le li hay, sawari k liye super sonic, larnay k liye F-16, computer ko jaib me muntaqil ker dya gaya hay. Insani zaruriat ko pura kerne k liye,satellite,gps aur internet ki sahoolat se bhar poor faida uthaya jaraha hay. Aisay waqt me hum ko ashad zarurat hay k apnay ap ko ilm jadeed se aarasta-o-peerasta kar k mul-o-millat ka naam roshan karein. Asar-e-hazir me is gum shuda meeras ko dhundnay k liye cheen janay ki b zaroorat nahi hay dunya aik global village ban ker ap ki ungli k ek touch me simat chuki hay. Aaj hackers kisi b jaga per beth ker kisi b mulk k saray idaray apnay control me le saktay hain, kisi b mulk ko tanha kerne k liye print media,electronic media aur social media aik hatyaar k tor pe istemaal horahay hain. Cyber crime ko samne rakhte huye aj taraqi yafta mumalik ne in mushkilat se nimatnay k liye khasoosi idaray qaim kerdiye hain. Aaj kisi b insan k baray me jannay k liye waldain,rishtedaar aur dost nahi janta jitna computer janta hay magar hum in cheezo ko dekhte huye b wo iqdam nahi ker rahay jin ki zaroorat hay. Computerized shanakhty card aur passport jesay idaray b nakami ki raah per gamzan hain. Aaiye apnay aap se ahed kijiye k anay walay waqt me dusray aloom k saath saath jadeed aloom se behrawar ho ker technology k medan me mulk-o-millat ko aqwam alam k samnay mazboot bananay me apna kirdaar ada karen gay.

 

 

 

 Taleem Niswa'n

Ilm k baghair dunya andheri kothri ki manind hay. Isliye mardo k taleem yafta honay k saath saath khawateen ka b ilm hasil kerna zaruri hay. Mard aur aurat gari k do pahiye ki tarah hain. Gari kabhi aik pahiye se nahi chal sakty. Isliye dono pahiye ka hona aur sahi halat me hona zaruri hay agar kisi waja se aik pahiya toot jaye ya kharab ho ya siray se ho hi nahi tou gari khari ki khari reh jaty hay is ka chalna mumkin nahi hay. Yahi haal hamaray mashray ka hay. Isme mard aur aurat dono ki ahmiyat yaksaan hay jab tak dono ilm se behrawar nahi hogay hum kisi sorat tarakki nahi ker sakte. Taraqi ka zeena hamesha ilm hi raha hay. Is k zariye kamyabi aur kamrani ki manzil tak pohancha ja sakta hay.

Qudrat ne jo faraiz aurat ko sonpay hain in me sab se ahem farz bacho ki tarbyat aur parwarish ka hay. Pedaish se kabal hi bachay ki tarbyat aur perwarish shuru hojaty hay. Is k baad maa ki goud daras gaah hoty hay. Maa agar taaleem yafta hay tou aulad b sahib-e-ilm aur mohzib hogi kyu k bachay ka zyada waqt maa k paas guzarta hay. Bacha maa k tor atwar ko seekhta hay. Un parh aur na khuwanda maa bachay k ikhlaq o adaat nahi sanwar sakhty lekin parhi likhi samajh daar maa apnay bacho ki tarbyat me bht madad gaar sabit hoty hay aur is ki nighadaasht sahi tor pe ker sakty hay aur is k khayalat o kirdaar ko nikhar sakty hay.

Is me koi shak nahi k bachay ki perwarish me baap ka b hissa hota hay magar is se inkar nahi kya jasakta k ibtidai taleem ka aghaaz maa ki goud se hi hota hay. Bari bari shakhsiyato ne maa se tarbyat pai hay ye darasgaah kehlaane ko tou mukhtasar si hoty hay lekin banty hui imarat ki bunyad maa ki goud hi hay jitni mazboot bunyad hogi utni hi mazboot imarat tameer hogi. Fitri salahiyato k etbaar se aurat mard se kisi b tarah kam nahi hay aurtein mardon se kam zaheen nahi hoty. Jo log aurto ko taleem dilwane k haq me nahi hain wo in ki taleem ko sirf nazra, Quran Majeed tak mehdood rakhtay hain deegar aloom se waqfiat nahi karatay. 

In ka ye khayal hay k taleem yafta aurat bey parda fashion ki dil dada fazool kharch hoty hay, sair o tafri ki dil dada wagera hoty hain tou is me kasoor larkio kaa nahi hay jin ko hum taaleem detay hain bul k in k mahol ka hay. Taleem insan ko roshan khayal banaty hay, zimedar sikaty hay jo log bigray huye hain wo taleem wo taleem hasil kiye baghair hi bigray huey hain chahay wo mard ho yaa aurat. Ye kasoor us ghalat tarbyat aur ghair mauzoo nisab o mahol ka hay. Shuru hi se agar aisay intizamaat ho k larkiyo ki tarbyat deen o islam k khatoot per ho aur inhe pakeeza aur buraiyo se paak mahol milay tou taleem niswa'n mashray me bigar ka sabab nahi ban sakty.

Qudrat ne jo fitri salahiyatein aurat ko ata ki hain in ko baruey kaar lanay k liye in ki salahiyato ko ujagar kerna zaruri amar hay aur ye salahiyatein sirf taleem hi hay jo k ujagar ker sakay lihaza zindagi k iqdaar me nikhar aur waqar sirf ilm hi ki badolat aega.

Cell Phone ek Mufeed ejaad. Istemal acha ya bura ?

Aaj kal k is jadeed dour me jahan her koi in ijadad se faida utha raha hai. Wahin log in ejadad bayak waqt bura bhala be kehtay hain. Misal k tor pe log her waqt mobile phone ko bura bhala kehte hain jab k yeh aik bht hi karamad cheez hai. Log yeh kehte hain k mobile phones se buraiyan barh gai hain, jab cell phone nahi tha tou kya buraiya nahi thi? Sms tou sirf Sms hota hay wo naa tou acha hota hay na hi bura hota hay ap us se zariya-e-fahash baat b ker saktay hain aur mazhabi baatein be. Lehaza sms ka apna koi qasoor nahi. Agar ap samajhte hain k sms galat hay tou galat sms kerne walay ka qasoor hay.
Burai ka taluq insan ki personality se hay naa k scientific ejaad se. Lehaza cell phones ka bey-hayai se koi taluq nahi tamam scientific ejaad ki tarha cell phones k b fawaid bey shumar hain. Jahan tak istemal ki baat hay tou wo aaj sirf aur sirf is liye hi maar kha raha hay kyu k wo scientific mahol ko qabool karne ko tayar nahi aur us waqt tak maar khata rahay ga k jab tak wo is scientific mahol ko qabool nahi ker sakay ga.
Agar maa baap ki ijazat se mangetar aik dosray se baat kerte hain tou is me dusro ko pareshan honay ki kiya zarurat hay? Kyu apne ganday zehan ki waja se mobile ko badnaam kerte hain?
Agar cell phone companies koi sastay packages ka elaan kerti hay tou is me cell phones company ka kia qasoor? Jab cell phones nahi thay tou log pen se ishqia khatoot likhte thay tou kiya pen ki kharabi thi? Jis tarah pen ki kharabi nahi thi isi tarha cell phones ko zariya-e-ishq kehna bi cell phones ki kharabi nahi.

Maa Allah Pak ka khubsurat tohfa

 LAKH GIRDH APNY HIFAZAT KI LAKIREN KHENCHU

        AIK BHI IN MAI SE NAHI MERI MAA KI DUAO JESI


Gulab Jesi Khushbu, Chodhvi Ke Chand Jesi Chandni, Ferishton Jesi Masoomiyat, Suchai Ka Pekar, Lazawal Muhbbat, Shafqat, Tarap, Qurbani, Jab Ye Tamama Lafz Yakja Ho Jae To Bun Jata Hai Teen Hurfo Ka Lafaz "MAA".
Maa Ke Qadmon Tale Janat Hai.Maa Ko Muskira Kar Dekhne Se Maqbool "HAJ"Ka Sawab Milta Hai. Maa Ki Zindagi Tareeq Raho Mein Roshini Ka Minaar Hai.Maa Aur Phoolon Mein Koi Faraq Nahi. Maa Qudrat Ka Ataa Karda Behtreen Tohfa Hai, 1 Anmol Khzana Hai, Naram Lateef Hawa Ka Jhoka Hai, Beti Ke Sar Ki Chadar Hai, Bilakte Bache Ki Lori Hai, Chandini Ki Thandak Hai, Musibataon Mein Dhaal Hai, Gher Ki Malka Ka Naam Hai, Janat Ki Rinaq Hai, Asmaani Tohfa Hai, Kaiynat Ki Khoobsoorati Ka Raz Hai, 1 Duaa Hai,.
Maa Ki Asal Khoobsoorati Us Ki Muhbbat Hai Aur Meri MAA Duniya Ki Khoobsoorat MAA Hai. Maa 1 Buhat Bari Azeem Husti Hai.Aur Maa Sumandar Ki Gehrai Se Bhi Ziyada Gehri Hai, Jis Mein Olaad Ke Liye Muhbbat, Tahafuz Aur Ahsaas Ke Jazbe Thanthe Marte Hain.

Maa Kehne Ko To Kitna Chota Sa Lafaz Hai, Mager Us Lafaz Mein Kitni Gehrai Hai, Har Koi Is Gehrai Ko Nahi Jaan Sakta Aur Na Hi Is Taq Kisi Ki Rasai Mimkin Hai.

Duniya Ki Muhbbat Dekh Kar Maa Ki Muhbbat Se Inkaaar Na Karen, Because Jitni Wo Olaad Se Piyaar Karti Hai Duniya Ki Muhbbat Us Ke Aage Hech Hai.

Jis Tarha ALLAH TALAH Ki Nematon Ka Shumaar Karna Na Mumkin Hai, Isi Tarha Maa Ki Mamta Ka Andaza Lagana Mushkil Hai, Is Liye Humare Liye Is Se Bari Koi Nemat Nahi.
Ye ALLHA TALAH Ki Taraf Se Humare Liye 1 Azeem Aur Anmol Tohfa Hai, Is Liye Is Ki Qadder Karo, Ta Ke Tum Ko Bhi Qader Ki Nigaah Se Dekha Jae Q Ke MAA Jesi Azeem Husti Bar Bar Nahi Milti.Is Liye Is Se Muhbbat Karo, Ta Ke Tumhe Bhi Muhbbat Mile.Is Ko Tahafuz Do Ta Ke Tumhe Bhi Tahafuz Ka Ahsas Ho. 

Maa Ki Azmat:

Jab Madine Me Islam Aam Ho Chuka To

Nabi (Saw) Ne Farmaya:

Agar Aj Meri Maa Zinda Hoti

Aur Main Namaz-e-Isha Men Khara Hota

Or

Meri Maa Hujre Se Mujhe Awaz Deti

O’Muhammad (Saw)!

To Khuda Ki Qasam

Main Farz Namaz Chor Kar Dorta Hua Jata

Or Maa K Qadmon Men Gir Jata

Subhanallah.

The real meaning of Hijab According to Islam

In the name of Allah the most Beneficent, the Most Merciful.

Definition of Hijab

 The Arabic word hijab holds a variety of similar meanings: cover, conceal, hide, screen, and shelter. Among Muslims, hijab commonly refers to a woman’s headscarf. In broader terms, hijab refers to her full modest dress.[Chapter 24, verses 30-31]According to the Hadith, "My Lord agreed with me ('Umar) in three things... (2) And as regards the veiling of women, I said 'O Allah's Apostle! I wish you ordered your wives to cover themselves from the men because good and bad ones talk to them.' So the verse of the veiling of the women was revealled".(Bukhari, v1, bk 8, sunnah 395).There are two authentic hadith which state: "Each religion has a morality and the morality of Islam is haya'" AND "Bashfulness is from belief, and belief is in Al-Jannah (paradise)". The hijab fits the natural bashfulness which is a part of the nature of women.The Hijab of the Muslim woman is indeed part of modesty. Modesty accompanies Eemaan (faithat is why Allah's Messenger (sallallahu`alayhi wa sallam) said: "Modesty is part of Eemaan and Eemaan is in Paradise."[At-Tirmithi]. 

In the Quran, ALLAH SWT states: "Say to the believing men that they should lower their gaze and guard their modesty And say to the believing women that they should lower their gaze and guard their modesty; that they should not display their beauty and adornments except what (must ordinarily) appear thereof; that they should draw their veils over their bosoms and not display their beauty except to their husbands, their fathers(a list of by exceptions)

In the matter of hijab, the consciousnest, sincere Believer alone can be the true judge, as has been said by the Noble Prophet: "Ask for the verdict of your conscience and discard what pricks it."

Islam cannot be properly followed without knowledge. It is a rational law and to follow it rightly one needs to exercise reason and understanding at every step. 
The dress should not be such that it attracts men’s attention to the woman’s beauty. Allaah clearly states “not to display their beauty (zeenah).” Yet, Subhaan Allaah, some Hijaabi sisters are dressed in such a way that they attract more attention to themselves than they would if they didn’t wear Hijaab!! How could such zeenah be concealed if the dress is designed in a way that it attracts men’s eyes to the woman? It beats the purpose of Hijaab.

 Wearing  the Hijaab isn't just a matter of simply putting a piece of cloth on your head, it is an attitude, a way of thinking and behaving, and accepting yourself for who and what you are. Basically it constitutes an Islamic way of life, it is a statement which indeed should portray a certain attitude.

April fool ki haqeeqat aur pas manzar Islami ro se.

                

West ki be soche samjhe taqlid(follow) ke shoq  me hamare muaashre me jin rasmo ko riwaj diya,unhi me se ek rasam “April fool” manane ki rasam bhi he,is rasam ke tahat 1st April ki tarikh me jhuth bol kar kisi ko dhoka dena,or dhoka dekar use fool yani bewaquf banana  na sirf jaiz samjha jata he; balke use ek art or kamal qarar diya jata he, jo shakhs jitni safai or chabuk dasti se dusre ko jitna bada dhoka de,utna hi use qabile ta’rif or 1st april ki tarikh se fayda uthane wala samjha jata he. 

 Ye mazaq jise dar haqiqat “bad mazaqi” kehna chahye,na jane kitne afrad ko bila wajah jani ormali nuqsan pahucha chuka he; balke uske natije me baaz awqat logo ki jane bhi chali gayi he k unhe kisi aise sadme ki jhuthi khabar suna di gayi jise sunne ki wo taab na sake or zindagi hi se hath dho bethe.

    Ye rasam jiski bunyad jhuth,dhoke or kisi be gunah  ko bewaquf banana par he,akhlaqi eatebar se to jaisi kuch he zahir hi he,lekin uska tarikhi pehlu(historical background) bhi un logo ke liye intehayi sharamnak he jo hazrat isa alayhisSalam ke taqaddus(pakizgi) par kisi bhi eatebar se iman rakhte he.

 

   Is rasam ki ibteda kaise huwi? Is bare me muarrikhin(tarikh likhne wale) ke bayanat mukhtalif he,baaz musannifin ka kehna he ke france me 17th sentury(sadi) se pehle saal ka aagaz January ke bajaye April se huwa karta tha,is mahine ko roman log apni devi  Venus ki taraf mansub karke muqaddas samjha karte the,”venus” ka tarjuma unani zuban me Aphrodite kiya jata tha,or usi unani name se mushtaq (nikal)karke mahine ka name April rakh diya.(Encyclopedia Britannica 15th addition)

    Lihaza baaz musannifin(kitab likhne wale)ka kehna he ke chunke 1st april saal ki pehli tarikh hoti thi ,or uske sath ek but parastana taqaddus or azmat bhi wabasta tha,isliye us din ko log jashne masarrat  manaya karte the ,or usi khushi ke jashn ka ek hissa hansi mazaq bhi tha jo rafta rafta  taraqqi karke april fool ki shakal ikhtiyar kar gaya,baaz log kehte he k is jashne masarrat ke din log ek dusre ko tohfe diya karte the,ek martaba kisi ne tohfe ke name par koi mazaq kiya jo bil-aakhir dusre logo me riwaj pakad gaya. 


Encyclopedia of Britannica me is rasam ki ek or wajah ye bayan ki gayi he ke 21st march se mosam me tabdiliya aani shuru hoti he,un tabdiliyo ko baaz logo ne is tarah ta’beer kiya ke (Ma’aazallah) qudrat hamare sath mazaq kar ke hame bewaquf bana rahi he lihaza logo ne bhi us zamane me ek dusre ko bewaquf banana shuru kar diya.

(Britannica:1/496)

  Ye baat ab bhi mubham hi he ke qudrat ke is name nihad “mazaq” ke natije me ye rasam chalane se “qudrat” ki pervi maqsud thi ya usse inteqam lena manzur tha?

     Ek tisri wajah 19th sadi isvi ki mashur encyclopedia “ Larose “ ne bayan ki he or usi ko sahih qarar diya he,wo wajah ye he ke dar asal yahudiyo or isaiyo  ki bayan kardah riwayato ke mutabiq 1st april wo tarikh he jisme rumiyo or yahudiyo ki taraf se  hazrat isa alayhis salam ko tamaskhur( maskhari) or istehza(mazaq,thattha) ka nishana banaya gaya,moujuda name ki bibles me us waqiye ki tafsilat bayan ki gayi he,luqa ki bible ke alfaz ye he :

  “or jo aadmi use( hazrat isa alayhis salam ko) giriftar kiye huwe the  usko that the me udate or marte the or uski aankhe band karke uske munh par tamanche marte the,or usse ye kehkar puchte the ke nubuwwat (yani ilham)se bata ke kisne tujhko mara?

Or  ta’ne maar maar kar bahot si or bate uske khilaf kahi”

(Luqa 22:63…ta 65)

  Ingilo me ye bhi bayan kiya gaya he ke pehle hazrat masih alayhis salam ko yahudi sardaro or faqiho ki adalat e Aaliyah me pesh kiya gaya,phir wo unhe pilate’s ki court me le gaye k unka faisla waha hoga,phir pilate’s ne unhe Rhodes ki adalat me bhej diya,or bil-aakhir Rhodes ne dobara faisle ke liye unko pilate’s hi ki adalat me bheja.

     Larose  ka kehna he ke hazrat masih alayhis salam ko ek adalat se dusri adalat me bhejne ka maqsad  bhi unke sath mazaq karna,or unhe taklif pahuchana tha.  Or chunke ye waqiya 1st April ko pesh aaya tha,isliyeApril fool ki rasam dar haqiqat usi sharamnak waqiye ki yaadgar he.

   April fool manane ke natije me jis shakhs ko bewaquf banaya jata he,use franchise language me poisson d’avril  kaha jata he jiska English tarjuma  april fish he, yani april ki machli(Britannica:1/496) goya jis shakhs ko bewaquf banaya gaya he wo pehli machli he jo april ke aagaz me shikar ki gayi. Lekin larose ne apne upar ke mawqaf ki taeed me kaha he ke poission ka lafz jiska tarjuma “machli” kiya gaya he  dar haqiqat usi se milte julte ek or franch lafz “posion” ki bigdi huwi  shakal he jiske ma’na taklif pahuchane or azzab dene ke hote he. Lihaza ye rasam dar haqiqat us azaab or aziyyat ki yaad dilane ke liye muqarrar ki gayi he jo isaai riwayat ke mutabiq hazrat isa as. Ko pahuchayi gayi thi.

  Ek or franch other ka kehna he ke dar asal “poisson” ka lafz apni asal shakal par hi he,lekin ye lafz 5 alfaz ke ibtedaee huruf ko mila kar tartib diya gaya he jinke ma’na franchise language me tartib waar isa,masih,Allah,beta or fidya hote he.(tafsil ke liye dekhye Farid wajdi ki arabi encyclopedia,dairatu ma’aarifil quran:1/21,22)   goya us musannif ke nazdik bhi april fool ki asal yahi he ke wo hazrat isa alayhis salam ka mazaq udane or unhe taklif pahuchane ki yaadgar he.

        Agar ye baat durust he (larose wagera ne bade wusuq ke sath durust qarar diya he or uske shawahid pesh kiye he) to galib guman yahi he ke ye rasam yahudiyo ne jari ki hogi,or uska mansha hazrat isa alayhis salam ki tazhik(Mazak banana) hogi ,lekin ye baat herat angez he ke jo rasam yahudiyo ne ( (معاذالله hazrat isa as. Ki hansi udane ke liye jari ki, use isaiyo ne kis tarah thande peto na sirf qubul kar liya,balke khud bhi use manane or riwaj dene me sharik ho gaye, uski wajah ye bhi ho sakti he ke isaai sahiban us rasam ki asliyat se waqif hi na ho,or unho ne be soche samjhe  us par amal shuru kar diya ho,or ye bhi ho sakta he ke isaaiyo ke mizaj o mazaq is mamle me ajeebo garib he,jis salib par hazrat isa as. Ko unke khayal me suli di gayi BaZahir qayde se hona to ye chahye tha ke wo unki nigah me qabile nafrat hoti ke uske zariye hazrat maseeh alayhis salam ko aisi aziyyat di gayi,lekin ye ajeeb baat he ke isaai hazrat ne use muqaddas qarar dena shuru kar diya,or aaj wo isaai mazhab me taqaddus ki sab se badi alamat samjhi jati he.

    Lekin upar likhi tafsil se ye baat wazeh hoti he ke chahe april full ki rasam venus name ki ki devi ki taraf mansub ho,ya use (muaazallah) Qudrat ke mazaq ka radde amal kaha jaye,ya hazrat maseeh alayhis salam ke mazaq udane ki yaadgar ,har surat me is rasam ka rishta kisi na kisi Tawahhum parasti (superstition) ya kisi Gustakhana nazarye ya waqiye se juda huwa he,or musalmano ke nuqta e nazar se ye rasam mundarja e zel badtarin gunaho ka majmua he:

(1)           Jhuth bolna.

(2)           Dhoka dena.

(3)           Dusre ko taklif pahuchana.

(4)           Ek aise waqiye ki yaad manana jiski asal ya to but parasti he ya tawahhum parasti ya phir ek pegambar ke sath Gustakhana mazaq.

   Ab musalmano ko khud faisla karna chahye ke aaya ye rasam is layaq he ke use musalman muaashro me farog (barhawa)diya jaye.?

   Allah ta’la ka shukr he ke hamare mahol me april fool manane ka riwaj bahot ziyada nahi he,lekin ab bhi har saal kuch na kuch khabare sunne me aa hi jati he ke baaz logo ne april fool manaya, jo log be soche samjhe is rasam me sharik hote he,wo agar sanjidgi se is rasam ki haqiqat , asliyat or uske nata’ij par gor karege to in sha allah usse parhez ki ehmiyat tak zarur pahuch kar rahege.

(Zikro Fikr:mufti taqi uthmani d.b.66…ta 70)

Social media kay nojawan nasal pe muhzar asraat

Pakistan ki awam bilkhusoos nojawano ko social media ki yalghaar ne guzishta 3,4 barson se buri tarha apni grift me le lya hai. Youn k is k shikanje se apni jaan churana mushkil nazar ata hai. Pehle Facebook, phir Twitter, viber, Whatsapp, Tango, E-buddy, Skype Gharz an-ginat network hain jo nojawano ko dunya bhula kar Apne Aap me Mashghol rakhte hain. Asr -e-Rawan me hamare pas maloomat or peghamat ka ek hujoom hai jo sailab ki tarha umandta chala arha hai. Mehaz ek click pr dunya jahan ki maloomat apk samne bikhri pari hoti hain. Hum is hujoom me itna ulajh gae hai k hamari moral values, knowledge or creativity zero hoti ja rhi hai. Hamari nojawan nasal Social networking websites ki takhleeq k maqasad to door, Apne Maqasid e zindagi bhi bhoolte ja rhe hai. Is social networking ne hamen family se disconnect krdya hai. Ek ghar me rehne wale dosre ki khabar nhi rakh pate, lekin Saat samandar paar baithe doston or waqif kaaron ko how are you, get well soon k paighamat bhejte zarror nazar ate hain. Ek or ghalat rujhan jo maashre me nimo paa rha hai wo privacy ka ehsaas khatam hojana hai. kisi k ghar me koi zaati taqreeb munaqid ho to agle din adhe shehar ko tafseel, caption samait personal pics daikhne ko miljati hain chahe us sham sahib e khana ka parosi or us k bache bhook se behaal hon, kis ko parwa hai?

Deegar mumalik me Social networking websites ko awareness spread krne k lye, or as a revolution tool istemal kya gya. Jis ki taaza misaal misar(Egypt), shaam(Syria), Lebnon or turkey hain. Lekin Pakistani maashre me hum log tafreeh or khud numai se bahar hi nhi aske. To iska Positive Istemal khuda jane kb seekhenge? Kisi positive surat e haal k Asaraat door door tak nazar nhi ate. Hum bunyadi tor pr shughal maile me masroof qoam or ghair sanjida riwaye k haamil hain. Social Networking ne bhi Hamen Octopus ki tarha daboch lya hai. Hum isk lye addiction to mehsoos krte hain lekarapni ghulamana zehniyat or rawish badalne ko Tayar nhi hain..